லாலே லாலா லாலேலொ... பாடப்போகிறார் விஜயகாந்த்

நடிகர் விஜயகாந்த் இப்போது குறி வைத்திருப்பது தமிழக தாய்குலங்களை. கடந்த சில படங்களாக ஆய்... ஊய்... என்று பின்னங்கால் பிடறியில் தெரிக்க எதிரி நாட்டு தீவிரவாதிகளை தும்சம் பண்ணிக்கொண்டிருந்தார். எந்தப்படங்கள் என்றாலும், முன்னாள் ரசிகர்களும் இன்னாள் தொண்டர்களும் திரையரங்கில் குவிந்து விடுவார்கள் என்றாலும் தாய்குலங்களை கவர் பண்ணமுடியாமல் போய் விட்டது. இந்த குறையை சரி செய்ய அம்மா கிரியேசன்ஸ் மூலம் விக்ரமன் படத்தில் நடிக்கிறார் விஜயகாந்த்.
இந்தப்படத்திலும் விக்ரமன் பட பாணியில் இரட்டை விஜயகாந்த் பாத்திரம் தான். ஒன்றில் வயதான வேடம். மற்றொன்று இளைஞன். இவருக்கு ஜோடி மீரா ஜாஸ்மின். இந்தப்படத்திற்கான தலைப்பு தீர்மானிக்கப்பட்டுள்ள நிலையில் படத்தலைப்பை பதிவு செய்துள்ளவரிடம் விலை பேசி வருகின்றனர். அரசாங்கத்துக்கு பின் கேப்டன் தொடர்ந்து டூயட்தான் பாடப்போகிறாரோ என்னவோ?