நேபாள ‌தொழிலதிபரை மணக்கிறார் மனீஷா கொய்ராலா

உயிரே, பம்பாய், முதல்வன், இந்தியன் உள்ளிட்ட தமிழ் படங்களில் நடித்த பாலிவுட் நடிகை மனீஷா கொய்ராலா, நேபாளத்தை சேர்ந்த தொழிலதிபரை திருமணம் செய்யவுள்ளார். நேபாள நாட்டை சேர்ந்த இவர், முதலில்பேரி பேதுவாலா என்ற நேபாளி மொழி படத்தின் மூலம்தான் திரையுலகில் அறிமுகமானார். 1991ம் ஆண்டு வெளியான சவுதாகர் இந்திப் படம் மூலமாக, இந்திய திரையுலகில் பிரவேசித்தார். தற்போது 40 வயதாகும் மனீஷா கொய்ராலாவும், நேபாளத்தை சேர்ந்த தொழிலதிபர் சாம்ராத் தாகல் என்பவரும் கடந்த இரண்டு ஆண்டுகளாக காதலித்து வந்தனர். இந்நிலையில் இவர்கள் திருமணம் செய்து கொள்ள முடிவு செய்ததையடுத்து வருகிற ஜூன் மாதம் 19ம்தேதி திருமணம் செய்து கொள்ளப்போவதாக அறிவித்துள்ளனர். நேபாளம் காட்மாண்டு நகரில் நடைபெறும் திருமண நிகழ்ச்சியில் இருவீட்டு சொந்தங்கள் மற்றும் நண்பர்கள் கலந்து கொள்கிறார்கள். மணமகன் சாம்ராத் அமெரிக்காவில் படித்தவர். தற்போது மாற்று எரிசக்தி உற்பத்தி நிறுவனத்தை நடத்தி வருகிறார்.

Manisha Koirala, wedding, Nepalese bizman, Business man, June, தொழிலதிபர், திருமணம், மனீஷா கொய்ராலா,